MONDAY-FRIDAY AFTER LEGEND OF THE BLUE SEA
Show Logo

SHOW UPDATES

Maja, excited na sa inaabangang Wildflower Wildest Wedding

ABS-CBN.com August 07,2017 06:28 PM

‘Wildest wedding’ talaga na matatawag ang inaabangang pasabog ng hit primetime serye na “Wildflower” sa Miyerkules (Aug 9) dahil black gown pa lang ni Maja Salvador, na siyang gumaganap bilang si Ivy Aguas, ay agad nang gumulantang sa mga manonood.

Sa trailer na ipinakita ng programa noong nakaraang linggo, bumungad si Ivy bilang ‘bride in black’ suot ang traje de bodang likha ni Val Taguba.

“Wildest wedding talaga ito. Sa gown pa lang ang wild na ng reaksyon niyo. Paano pa kaya kapag napanood niyo ang buong episode? Di ako pwedeng magdetalye. Basta abangan niyo na lang sa Wednesday. Excited na akong mapanood ninyo,” pabiting sagot ni Maja.

Dahil sa naiibang television moment na ito kung kaya’t mabilis na bumuhos ang maiinit na mga komento sa online world at talaga namang ikinasabik na ito ng netizens.

“Nawindang ako sa Bride in Black! OMG!” sabi ni @Crissadorable10.

“Bride in black! Iba ka Ivy! Wildest wedding talaga! Super excited na sa wedding episode!” sabi naman ni @charmaine1785.

“I wonder if that black wedding gown that Maja is wearing is a Michael Cinco creation? Ang taray ng bride in black!” tanong naman ni @ryanbratinelo.

“You don’t want to miss this bride!” tweet ni @EmceeMey.

Hindi na nga mapipigilan ang pag-iisang dibdib nina Ivy at ni Arnaldo Ardiente Torillo (RK Bagatsing). Ano ang magiging reaksyon ng pamilya Ardiente pagpasok ni Ivy ng simbahan? Ano ang nais ipahiwatig ni Ivy sa kanyang itim na kasuotan? Ano pang pasabog ang magaganap sa wildest wedding ng taon?

Itiman na sa kalendaryo ang wildest wedding of the year sa “Wildflower” ngayong Miyerkules (Aug 9) bago ang “TV Patrol” sa ABS-CBN o sa ABS-CBN HD (Skycable ch 167). Para sa updates, i-follow ang @wildflowerabscbn sa Instagram, @RSBDramaUnitNew sa Twitter at i-like ang official Facebook page ng programa sa https://www.facebook.com/wildflowerchannel2/.

 

Related